Buddhism
-
很多學佛的同修問道，何謂「禪」？ 禪即「示」「單」。 根據康熙字典，「示」為見吉凶，觀天文，以察時變。「示」「視」古字通。「單」為大也，盡也，複之對也。 故此，「禪」即「觀一中無二」和「觀變中無別」而不生妄念的心。 《頓悟入道要門論．卷上》：「問：云何為禪？云何為定？答：妄念不生為禪，坐見本性為定。」
-
真正的禪修不在佛堂，而是「東區走廊」。
-
《華嚴經》云：「心如工畫師，能畫諸世間，五蘊悉從生，無法而不造。」「學佛」即「學心」
-
呢排響到反思學佛以嚟，一個有趣又好多人討論嘅問題。就係佛教/佛學究竟係一門科學定宗教？ 如果佛教可以叫做科學，咁佢究竟係心理學，定係哲學？ 呢個問題響坊間同學術界都爭論咗好耐。總括而言佛教既係哲學、又係宗教，更加係科學。 呢個問題有好多唔同嘅睇法，以下概括一下支持同反對嘅觀點： 1. 支持佛教係哲學 1.1 探討人生意義：佛教深入探討人生嘅意義、存在嘅本質同埋宇宙嘅運作，呢啲都係哲學嘅核心問題。 2.1 理性思考：佛教強調通過理性思考同智慧嚟理解世界，呢點同哲學嘅方法好相似。 2. 反對佛教係哲學 2.1 宗教信仰：佛教有自己嘅教義、儀式同信仰體系，呢啲特徵更接近宗教而唔係純粹嘅哲學。 2.2 修行實踐：佛教強調實踐同修行，而唔係單純嘅理論探討，呢點同哲學有分別。 3. 支持佛教係心理學 3.1 內心修行：佛教強調通過冥想同自我反省嚟了解自己嘅心態同情緒，呢點同心理學好相似。 3.2 情緒管理：佛教教導點樣處理同管理情緒，呢啲方法同心理學有共通之處。 4. 反對佛教係心理學 4.1. 宗教元素：佛教包含咗大量嘅宗教元素，例如信仰同儀式，呢啲唔係心理學嘅範疇。 4.2. 超自然信仰：佛教有關輪迴同解脫嘅教義涉及超自然信仰，呢啲唔係心理學研究嘅對象。 5. 支持佛教係宗教 5.1 信仰體系：佛教有自己嘅教義、儀式同信仰體系，呢啲都係宗教嘅特徵 5.2. 精神追求：佛教信徒通過修行嚟追求精神上嘅解脫同安寧，呢點同宗教嘅目標一致。 6. 反對佛教係宗教 6.1 哲學成分：佛教包含大量嘅哲學思考，唔單止係一種信仰。 6.2. 實踐重於信仰：佛教強調實踐同修行，而唔係單純嘅信仰，呢點同傳統宗教有分別。 7. 支持佛教係科學 7.1 實證方法：佛教強調通過實踐同觀察嚟驗證教義，呢點同科學方法有相似之處。 7.2 心理研究：佛教嘅冥想同內觀修行對心理健康有益，呢啲都可以通過科學研究嚟證實。 8. 反對佛教係科學 8.1 超自然元素：佛教包含咗輪迴同解脫等超自然信仰，呢啲唔係科學研究嘅範疇。 8.2. 主觀經驗：佛教強調個人嘅主觀經驗，而科學強調客觀嘅實驗同數據，呢點有分別。 你覺得邊個觀點最有說服力呢？ 其實響佛教層面，並無以上二元分立論。 而就住上面嘅討論，有機會再詳細寫…
-
話說當年Matrix導演Wachowski siblings為咗解釋Matrix嘅世界觀同Neo呢個角色，送咗3本書比Keanu Reeves。其中一本，係”Why Buddhism is True”嘅作者Robert Wright當時嘅著作:“The Moral Animal: Evolutionary Psychology and Everyday Life.
-
Part 3 響佛教嘅哲學同世界觀入面… 現存嘅物理世界通常被比喻為「生死海／苦海」，又稱之為「娑婆世界」（亦即Flow中文官方簡介入面所提及嘅「大千世界」，或者係「三千大千世界」）。 響呢個「大千世界」入面，任何現象（Phenomena）嘅本質（有機或無機）都係依賴「緣起（Dependent Origination）」而顯現（Manifest）。因此，基於呢個「因緣生，因緣滅」嘅特性，任何事物都屬無常（Impermanent），並無一個獨立存在嘅本質（Intrinsic Existence）。而呢一個「無本質嘅本質」，大概就簡略解釋咗佛教同心經入面經常提及嘅「空性（Emptiness Nature）」。 基於以上對世界嘅觀察同推論，早期佛教（Early Buddhism）將眾生（Sentient Beings）嘅存在拆解作「三相（Three marks of existence）」：由於任何現象（包括生命本身）嘅本質都係（1）無常（Impermanence），而對於無常嘅不可握則視為（2）苦（Suffering），因苦即是（3）無我（Not-self）。 而對於「苦」，佛教將「苦」視為一個生生滅滅不停重複嘅循環，即是平時會用嚟形容大家好suffer，每日「起身返工OT放工訓覺」同埋「又係Blue Monday」嘅「輪迴（Samsara）」。 不過，由於古時生為印度王子嘅佛陀唔使做社畜，佛教對「輪迴」嘅討論主要都係圍繞生死。而要超脫生死輪迴，達到稱為「涅槃（Nirvana）」嘅境界，佛教認為對於佛法聽（Hearing）、解（Thinking）、行（Practicing）係培養智慧唯一嘅「不二法門」（不二法門原為佛教成語，意指任何不落二邊極端嘅可行方法）。 噏完佛偈講翻Flow嘅世界… Flow嘅故事主軸由幾個重要元素組成，而當中以三個分別象徵「因、緣、果」嘅（1）洪水、（2）渡船，以及（3）石塔串連起整條時間線，以及故事發展嘅起承轉合同埋因果關係： （1） 洪水（因）洪水係整個貓喵的奇幻漂流故事嘅背景起因，亦代表住世界中小動物經歷嘅「苦」。主角喵作為一隻尋常地不善水性嘅貓，水代表住對於危機同生存嘅恐懼。而洪水嘅特如其來同埋（最後彩蛋嘅…）重複性，亦暗示住「苦」同輪迴本身無窮無盡地相繼循環嘅特性。 （2） 渡船（緣）當主角喵被迅速上漲嘅洪水迫上「貓山」，命沿一線走頭無路之際，貓與渡船巧合相遇嘅緣份為漂流故事展開序幕。渡船嘅出現就如聖經當中嘅挪亞方舟（Noah’s Ark）一樣難得，代表世界唯一能夠為渡過洪水苦難嘅工具。 而響佛教嘅經典當中，「船」或「船筏」亦象徵眾生能夠籍此渡過生死苦海嘅「佛法（Dharma）」。如《金剛經》入面佛陀講到「我所說法，如筏喻者，法尚應捨，何況非法。」，喻意佛法如同「船筏」，只係用於滅苦嘅工具，到達彼岸後亦應放下（就如蛇鷲最後棄船而去，下篇再井多少少…）。 （3） 石塔（果）最後故事中嘅石塔，係渡船嘅乘客中只有主角喵同蛇鷲知道，而又打算坐渡船到達嘅目的地（其他小動物只求生存，並無打算上岸）。石塔之高代表住遠離洪水嘅安定同埋心嘅解脫（留意主角喵嘅夢境…），等同佛教中代表渡過生死海後，能夠達到「涅槃（Nirvana）」嘅境界，或代表智慧（Wisdom，梵Prajñā）嘅彼岸…
-
Part 2: 上回講到，如果我地戴住佛教嘅「有『識（Mind）』眼鏡」去睇Flow，呢齣可愛憫人嘅貓喵漂流記，就會頓然被塗上滿滿嘅形而上哲學色彩。當然，對於Flow嘅中心思想，其實導演Gints Zilbalodis響不同訪問到有解釋。 Flow嘅故事原意本以主角喵天生對於水同埋狗仔嘅恐懼，去借喻人(包括作者自己)學識與恐懼／焦慮（Anxiety）共存同埋成長嘅過程。同時導演亦希望以洪水末日背景下，所發生嘅故事乃至Open Ending結局，去表達響人生同埋製作過程嘅困難之中，人與人之間互相合作同埋支持嘅重要性。 而呢個「人」對於「心」嘅學習同成長過程，以Camtrulia嚟講，亦同佛教嘅存在論（Onotology）同埋救贖論（Soteriology）不謀而合。 不過響進一步將Flow睇成一套Dharma movie，以（偽）詮釋學（Hermeneutics）去討論佛學上（1）以蛇鷲（Secretarybird）所影射嘅小乘佛法（Hinayana）、（2）鯨魚所借喻嘅大乘佛法（Mahayana），以及（3）不同小動物所代表嘅「心所（Mental Factors）」等等嘅概念之前，我地先研究一下Flow嘅故事背景，同佛教世界觀相似嘅地方…
-
Part 1: 話說前排睇咗《貓貓的奇幻漂流 Flow》，除咗感動嘅故事情節、優秀嘅動畫特技、同埋可愛嘅小動物之外，其中最發人心省同引發思考嘅，莫過於對於故事世界觀，以及當中想帶出咩訊息或者寓意嘅討論。 好多人覺得Flow刻意留白，並無特別為故事賦予任何概念上，或者價值觀上嘅假定。亦有影評認為，故事其實係描繪緊人嘅意識層。當中不同小動物嘅性格，分別代表緊佛洛伊德（Freud）精神分析模型入面嘅本我（id）、自我（ego）、超我 （superego）。 而以佛學角度黎講（咩都可以講下佛偈…），最有趣嘅相信係電影介紹入面提到故事嘅背景，係發生於人類滅絕之後嘅 Post-apocalyptic world (後末日世界)。而其後中文版簡介，就將其譯作「大千世界」，亦即佛教世界觀入面經常用黎形容（1）佛法衰落嘅「末法時代」（梵: sad-dharma-vipralopa）同埋（2）宇宙嘅無限大以及複雜性嘅「三千大千世界」。 如果我地用返以上官方(?)嘅佛教世界觀去睇Flow，呢套貓喵歷險記就頓時變成另一套同《Matrix》一樣Deep過Johnny Depp嘅「Dharma movie」。 當然，電影嘅世界同文學一樣，好多時觀眾睇到嘅只係一塊螢幕上嘅Blue Curtain… －－－－－以下劇透－－－－－ 話雖如此，當到Flow臨近結局一開始見到「蛇鷲升天」超自然嘅呢幕，可能一方面覺得畫面華麗感動，但另一方面又難免覺得有少少兀突，或者格格不入。但再諗深一層，以上面嘅討論去拓展，就會發覺故事同佛教世界觀相應同埋契合嘅地方…
-
The Three Turnings of the Wheel of Dharma could be regarded as a framework in Mahāyāna Buddhism for classifying in to stages and understanding the teachings of Buddha Śākyamuni. The first turning of the wheel of dharma refers to the earliest stage of the Buddha’s teachings, during which the Buddha taught the fundamental concepts, building blocks or…
-
Buddhism in Contemporary Society Based on the discussion in the previous article, Buddhism is often regarded as either a religion or a cultural tradition. Recently, there has been more scientific research on Buddhism, especially from psychological and neuroscientific perspectives. Practices like yoga, meditation, mindfulness, and how Buddhist teachings could help improve our well-being have come…